Агар шумо нияти ба  хориҷа сафар кардан дошта бошед, мо метавонем ба шумо дар қабули қарори оқилона кӯмак расонем.

Маълумот оид ба кор ва зиндагӣ дар хориҷа ва чӣ гуна ба он ҷо сафар кардан хеле зиёд аст. Эҳтимол шумо касеро мешиносед, ки берун аз Тоҷикистон зиндагӣ мекунад; касе, ки роҳи душворро тай карда ба он ҷо расидааст; касе, ки дар хориҷа бо мушкилот дучор омада ва баргардонида шудааст. Аз ин рӯ, яке аз самтҳои фаъолияти  Маркази захиравии муҳоҷирон (МЗМ) он аст, ки ба шумо ва оилаатон маълумоти заруриро, барои қабули қарори сафар, пешниҳод намояд.

 Мо маводҳои зарурӣ ва омӯзишро доир ба як қатор мавзӯъҳо пешниҳод менамоем, аз он ҷумла:

• равандҳо ва тартиб/расмиёт оид ба сафар ба хориҷа;
• имкониятҳо барои пайдо намудани кор дар хориҷа;
• имкониятҳо барои таҳсил намудани тоҷикон дар хориҷа;
• ҳуқуқ ва ӯҳдадориҳои шумо ҳамчун муҳоҷир дар кишварҳои таъинот;
• меъёрҳои иҷтимоию фарҳангӣ ва қонунгузориҳои меҳнатӣ дар кишварҳои таъинот;
• нақши муассисаҳои гуногун дар давраи муҳоҷират;
• чӣ гуна худро муҳофизат кардан лозим аст;
• бехатар ва бомуваффақият ба Тоҷикистон баргаштан.

Сафар кардан бе раводид, иҷозатномаи кор ё дигар ҳуҷҷатҳои қонунӣ ё гузаштани ғайриқонунии марз қарори хато мебошад. Агар шумо тамоми ҳуҷҷатҳои қонунии заруриро барои сафар ба хориҷа надошта бошед, шумо худро зери хатари калон қарор медиҳед. Агар шумо сарҳади кишвари воридшавиатонро бидуни раводид гузаред, шумо ба қонуншиканӣ даст мезанед. .

Агар шумо ба кишвари дорои низоми бидуни раводид барои шаҳрвандони Тоҷикистон сафар кунед – аввал маълумотро оид ба талаботи вурудшавӣ, ҳадафҳои раводид ва мӯҳлати будубош бидуни қайд, зарурати бақайдгирӣ дар мақомоти маҳаллӣ ва ғайраро санҷед.

Эҳтиёт шавед!

Гурӯҳҳои ҷиноие вуҷуд доранд, ки аз одамоне, ки мехоҳанд ғайриқонунӣ сафар намоянд, истифода баранд.

Онҳо ваъда медиҳанд, ки шуморо ба кишвари интихобкардаатон мебаранд, аммо ба шумо дар бораи сафари пуразоб, зарурият ба пинҳон шудан дар мошинҳои боркаш ва дигар шароитҳои ғайриинсонӣ намегӯянд. Онҳо ба шумо намегӯянд, ки пас аз расидан ба кишвари нав ба шумо иҷозат дода намешавад, ки кор кунед ва эҳтимолияти бенатиҷа будани сафар вуҷуд дорад, зеро кишваре, ки шумо ба он омадаед, шуморо ба Тоҷикистон бармегардонад. Чунин гурӯҳҳо метавонанд шуморо маҷбур кунанд, ки тамоми пасандозҳои худро дар сафари бефоида аз даст диҳед.

Дигар ҳолатҳо метавонанд шуморо зери хатар гузоранд

Агар шумо ба хориҷи кишвар қонунӣ сафар намоеду, лекин аз мӯҳлати эътибори раводид / иҷозатномаи кор зиёдтар дар он ҷо бимонед, шумо муҳоҷири ғайриқонунӣ хоҳед шуд, ки оқибатҳои ҳуқуқӣ доранд. Дар хотир нигоҳ доред, ки бе ҳуҷҷатҳои зарурӣ ё иҷозатномаи мӯҳлати эътибордошта, шумо ҳамеша дар ҳолати осебпазир хоҳед буд. Агар шумо ҳоло дар Федератсияи Россия бошед, то санаи 30 сентябри соли 2021 дар мақомотҳои маҳаллиатон худро дар қайд монед. Маълумоти муфассал ва маълумот барои тамосро дар инҷо пайдо кардан мумкин аст.

Бе иҷозатномаи қонунӣ мақомотҳои хориҷӣ шуморо хориҷ мекунанд ва ба Тоҷикистон бармегардонанд

Гурӯҳҳои ҷиноӣ инчунин метавонанд дар хориҷа ҷойҳои корӣ ё дигар имкониятҳоро ваъда диҳанд. Онҳо метавонанд қурбониёни худро маҷбур кунанд, ки корҳои вазнинро бемузд иҷро кунанд ё онҳоро ба намудҳои дигари истисмор маҷбур кунанд, аз он ҷумла кори маҷбурӣ ё танфурӯшии маҷбурӣ.

Барҳазар бошед!

Барои гирифтани маълумоти иловагӣ, лутфан ба намояндагони “Марказҳои машваратӣ ва омодагии пеш аз сафари муҳоҷирони меҳнатӣ”-и Хадамоти Муҳоҷират ва ё ба Маркази захиравии муҳоҷирон (МЗМ) дар шаҳри Душанбе муроҷиат намоед.

Мо ҳамкории зич бо тамоми муассисаҳои давлатӣ ва ғайридавлатӣ дорем, ки ба шаҳрвандони Тоҷикистон, ки мехоҳанд ба хориҷа сафар кунанд ё ба ватан баргарданд, ё ин ки дар дигар кишвар ба мушкилиҳо дучор шудаанд, дастгирии иттилоотӣ мерасонанд. Мо шуморо ба муассисаи марбути давлатӣ ё ТҒД равона мекунем, ки метавонад дар соҳаи тахассусашон дар тӯли иқомати шумо дар хориҷа кӯмак кунад. Рӯйхати муассисаҳо ва хидматҳои зерин барои таваҷҷӯҳи шумо пешниҳод шудааст:

• Сафорати Ҷумҳурии Тоҷикистон дар Русия:

Консулгарии Сафорати Ҷумҳурии Тоҷикистон дар Федератсияи Россия ба шаҳрвандони Тоҷикистон хизмат мерасонад. Аз чумла расонидани кумак дар ҳалли мушкилоти онҳо дар доираи қонун, омода кардани ҳуҷҷатҳо (раводид, шиносномаҳо, ҳуҷҷатҳои нотариалӣ, шаҳодатномаҳо ва ғайра). Инчунин Консулгариҳои генералии Тоҷикистон дар дигар минтақаҳои Федератсияи Россия фаъолият мекунанд. Барои гирифтани маълумоти бештар дар бораи Сафорати Тоҷикистон дар Русия ва маълумот барои тамос бо Консулгариҳои генералии Тоҷикистон, ба истиноди зерин гузаред https://www.tajembassy.ru

• Вазорати корҳои хориҷии Ҷумҳурии Тоҷикистон:

Шумо метавонед маълумотро барои тамос бо намояндагиҳои дипломатӣ ва консулии Тоҷикистон дар хориҷа дар истиноди зерин пайдо намоед: https://mfa.tj/ru

• Вазорати меҳнат, муҳоҷират ва шуғли аҳолии Ҷумҳурии Тоҷикистон:

Вазорати меҳнат, муҳоҷират ва шуғли аҳолӣ ба таъмини муҳоҷирати бехатар, мунтазам ва осон барои шаҳрвандони Тоҷикистон қабл аз муҳоҷират, ҳангоми муҳоҷират ва пас аз он масъул мебошад. Дар асоси ҳадафи муайяншуда, Вазорати меҳнат (ВММША):

• дастгирии методиро барои таҳия ва татбиқи барномаҳои мақсаднок оид ба мусоидат ба шуғли корҷӯён ва бекорон, аз ҷумла тавассути рушди соҳибкорӣ ва худтаъминкунӣ таъмин менамояд.
• якҷоя бо мақомоти дахлдори давлатӣ барои пешгирӣ ва кам кардани шуғли ғайрирасмӣ чораҳои зарурӣ меандешад.
• таълими касбӣ ва машваратҳои касбӣ барои ҷавонон ва бекорон мутобиқи талаботи бозори дохилӣ ва хориҷӣ назорат ва ҳамоҳанг мекунад.
• оид ба муқаррар намудани квотаҳо барои шуғли шаҳрвандони ба ҳимояи иҷтимоӣ ниёзманд ва дар бозори меҳнат рақобатнопазир пешниҳод менамояд.

• Вазорати маориф ва илми Ҷумҳурии Тоҷикистон:

Вазорати маориф ва илми Тоҷикистон дар нострификацияи ҳуҷҷатҳои қабулшуда дар бораи таҳсил дар хориҷа мусоидат мекунад ва инчунин ҳар сол ба фарзандони ҳамватанони бурунмарзӣ ва муҳоҷирони меҳнатӣ квотаҳоро барои қабул ба донишгоҳҳои Тоҷикистон медиҳад.

• Вазорати тандурустӣ ва ҳифзи иҷтимоии аҳолии Ҷумҳурии Тоҷикистон:

Вазорати тандурустӣ ва ҳифзи иҷтимоии аҳолӣ барои мавҷудияти бемориҳои хатарноки сироятӣ ташхис мегузаронад, сипас муҳоҷирони эҳтимолиро, дар бораи хулосаи ташхис, пеш аз сафар ба хориҷа ва пас аз бозгашт огоҳ менамояд. Дар марказҳои махсуси вазорат маъракаҳои иттилоотӣ ва фаҳмондадиҳӣ оид ба чораҳо ва роҳҳои пешгирӣ аз гирифтор шудан ба бемориҳои сироятӣ, аз қабили ВНМО (ВИЧ) ва БПНМ (СПИД), сил ва дигар бемориҳои вазнини сироятӣ дар байни аҳолии кишвар, аз он ҷумла муҳоҷирон, гузаронида мешаванд.

Барои дастур оид ба чӣ кор кардан ва ба куҷо муроҷиат намудан ҳангоми нишонаҳои COVID-19, ба истинодҳои зерин нигаред https://www.muhojir.info/covid; https://www.muhojir.info/news/1048

• Хадамоти муҳоҷирати  Вазорати меҳнат, муҳоҷират ва шуғли аҳолии Ҷумҳурии Тоҷикистон:

Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон мақоми ваколатдор ва ҳамоҳангсозандаи муҳоҷирати дохилӣ (ихтиёрӣ) мебошад, ки тавассути сохторҳои тобеи худ дар тамоми вилоятҳои ҷумҳурӣ (аз он ҷумла дар ВМКБ), ноҳияҳо ва шаҳрҳо иҷрои корҳоро дар ин раванд ташкил ва назорат менамояд.

Тамоми маълумоти заруриро оид ба масъалаҳои муҳоҷират дар идораи Хадамоти муҳоҷират пайдо кардан мумкин аст. Ба муҳоҷирони меҳнатии хориҷшуда ва аъзоҳои оилаи онҳо тавсия дода мешавад, ки дар навбати аввал ба Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон муроҷиат кунанд, то дар бораи сабабҳо ва мӯҳлати манъи вуруд маълумот гиранд. Пас аз он, онҳо бояд ба Маркази шуғли аҳолии маҳалли зисташон муроҷиат кунанд ва ҳамчун бекор худро ба қайд гиранд, то соҳиби ҷои кор шаванд. Лутфан дар хотир гиред, ки Хадамоти муҳоҷират дар Тоҷикистон дар саросари кишвар якчанд шуъбаҳо (филиалҳо) дорад. Дафтари марказии Хадамоти муҳоҷират дар Душанбе, дар кӯчаи Айнӣ, 121 ҷойгир аст ва барои гирифтани маълумоти бештар дар бораи Хадамоти муҳоҷират аз истиноди зерин истифода намоед: http://migration.tj/ru/

• Намояндагии Вазорати меҳнат, муҳоҷират ва шуғли аҳолӣ дар Федератсияи Россия оид ба масъалаҳои муҳоҷират:

Дар ҳолатҳои фавқулодда ва оид ба масъалаҳои дигар марбут ба вазъ ва мақоматон ҳамчун муҳоҷир дар Федератсияи Россия, шумо ҳамеша метавонед ба намояндагӣ, ки дар шаҳри Москва, кӯчаи Тверская-Ямская 2-я, бинои 40/3 1, идораи 207 (метро - Маяковская) ҷойгир шудааст, муроҷиат намоед.

Маълумоти бештарро дар бораи тамос дар поён пайдо кардан мумкин аст:

• Москва: +7 (495) 967 9844, +7 (926) 255 0927, +7 (968) 733 0000, +7 (926) 462 6201, +7 (903) 597 1213, +7 (926) 876 9049, +7 (910) 443 6335,  +7 (977) 488-8964, +7 (967) 271 0202
• Санкт-Петербург: +7 (964) 373 7501
• Екатеринбург: +7 (982) 739 8998
• Новосибирск: +7 (965) 358 6161
• Уфа: +7 (915) 488 3223
• Краснодар: +7 (929) 540 8888
• Хабаровск: +7 (909) 809 5548
• Астрахан: +7 (977) 272 0001

This email address is being protected from spambots. You need JavaScript enabled to view it. This email address is being protected from spambots. You need JavaScript enabled to view it.

Барои маълумоти бештар дар бораи намояндагиҳо, аз истиноди зерин истифода баред: http://tajmigration.ru/about.html

• Муассисаи давлатии “Агентии бокортаъминкунӣ дар хориҷа”-и Вазорати меҳнат, муҳоҷират ва шуғли аҳолии Ҷумҳурии Тоҷикистон:

Агентии бокортаъминкунӣ дар хориҷа  барои шаҳрвандони Тоҷикистон, ки тасмим гирифтаанд, ки берун аз қаламрави кишвар кор пайдо кунанд, хизматрасонии машваратии баландихтисос ва миёнаравиро пешниҳод менамояд. Агентӣ инчунин бо ҷалби муташаккилонаи шаҳрвандони Тоҷикистон барои кор дар корхонаҳое, ки дар Федератсияи Русия ва дигар кишварҳо фаъолият мекунанд, сарукор дорад. Дар чор шаҳри Ҷумҳурии Тоҷикистон - Душанбе, Хуҷанд, Хоруғ ва Бохтар, марказҳои муташаккили ҷалбкунӣ ба ҷои кор, кушода шудаанд. Маълумотро дар бораи шуғли қонунӣ дар истиноди зерин пайдо кардан мумкин аст: https://www.facebook.com/948021692061396/posts/948033965393502/

• Агентии меҳнат ва шуғли аҳолии назди  Вазорати меҳнат, муҳоҷират ва шуғли аҳолии Ҷумҳурии Тоҷикистон:

Агентии меҳнат ва шуғли аҳолӣ дар доираи вазифаҳои ба зиммааш гузошташуда, масъалаҳои ҳифзи меҳнат, бақайдгирии созишномаҳои соҳавӣ, шартномаҳои коллективӣ ва қарорҳои меҳнатӣ дар корхонаҳо, муассисаҳо ва ташкилотҳои ҳудуди вилоятҳо, шаҳру ноҳияҳо, мусоидат ба шуғли аҳолӣ тавассути бакортаъминкунии шаҳрвандони бекор, ба тайёрии касбӣ, бозомӯзӣ ва такмили ихтисос фаро гирифтани онҳо, дастгирии молиявии бекорон, ба корҳои ҷамъиятии музднок ҷалб намудан, таъйин ва пардохти кӯмакпулиҳо дар давраи бекорӣ ва инчунин роҳнамои касбиро пеш мебарад. Маълумот дар бораи ҷойҳои кории холи дар Тоҷикистонро метавонед дар ин ҷо пайдо кунед: http://kor.tj/

• Хадамоти шиносномавию бақайдгирии Вазорати корҳои дохилии (ВКД) Ҷумҳурии Тоҷикистон:

Ба вазифаҳои Хадамоти шиносномавию бақайдгирии Вазорати корҳои дохилии Ҷумҳурии Тоҷикистон тамоми масъалаҳои марбут ба додани шиносномаи дохилӣ, шиносномаҳои оддии сафарӣ-байналмилалӣ, бақайдгирӣ ва дарозмуддат намудани шиносномаҳои шаҳрвандони хориҷӣ ва шахсони бешаҳрвандӣ ва дигар хизматҳо, дохил мешаванд. Маълумоти бештарро дар истиноди зерин пайдо кардан мумкин аст https://mvd.tj

• Ташкилоти ҷамъиятии “Маркази ҳуқуқи инсон” дар Ҷумҳурии Тоҷикистон:

Маркази ҳуқуқи инсон (МҲИ) – иттиҳодияи ҷамъиятии ҷумҳуриявӣ мебошад. МҲИ дар саросари Тоҷикистон амал мекунад. Дафтари МҲИ дар Душанбе ҷойгир аст. МҲИ яке аз ташкилотҳои пешбари ғайридавлатии Тоҷикистон мебошад, ки бо муҳоҷирати меҳнатӣ дар ҳамкории зич бо мақомоти давлатӣ ва шарикони ТҒД кор мекунад. Яке аз самтҳои асосии фаъолияти МҲИ соҳаи муҳоҷирати меҳнатӣ мебошад, ки дар он иттиҳодияи мазкур дар ҳалли масъалаҳои муҳоҷират таҷрибаи зиёда аз 20-сола дорад. Барои гирифтани маълумоти бештар дар бораи МҲИ, лутфан аз истиноди зерин истифода баред: https://www.muhojir.info

• Маркази шуғли фосилавӣ дар Душанбе:

Ин нахустин маркази шуғли фосилавӣ дар Душанбе мебошад. Марказ омӯзиши касбӣ ва ҳамкориро бо корфармоён дар бахши рақамӣ барои наврасон ва ҷавононе, ки дастрасии маҳдуд ба шуғли устувор доранд, пешниҳод мекунад. Ин марказ ба ҷавонон хизматрасониҳои гуногун, аз ҷумла омӯзиш ва такмили малакаҳои рақамӣ, машваратдиҳӣ ва дастгирӣ барои ҷустуҷӯ ва дарёфти ҷойҳои корӣ дар платформаҳои гуногуни фрилансӣ ва онлайн дар соҳаи технологияҳои рақамӣ, инчунин робита бо корфармоёни эҳтимолиро пешниҳод менамояд. Ғайр аз он, марказ барои хатмкунандагон имконият фароҳам меоварад, ки дар тӯли 3 моҳ ба таври ройгон аз марказ ҳамчун ҷои корӣ истифода баранд ва инчунин бо компютер ва интернет барои кор таъмин бошанд. Бояд қайд кард, ки марказ пурра бо компютер ва интернет муҷаҳҳаз буда, дорои 30 ҷои нишаст ва толори маҷлис мебошад. Шумо метавонед аз истиноди зерин бештар маълумот пайдо намоед: http://dih.tj/, https://www.facebook.com/d.impacthub/

• StudyAbroad.TJ:

Ба шумо машварати ройгон пешниҳод менамояд, барои  гирифтани стипендия кӯмак мерасонад ва вобаста ба имкониятҳо ва ниёзҳоятон шуморо ба самти дуруст равона менамояд. Барои донишҷӯёне, ки мехоҳанд дар хориҷ таҳсил кунанд маълумот ройгон ва муфид мебошад. Курсҳо, грантҳо, стипендия, дараҷаҳо, ихтисосҳо ва ғайра дар истиноди мазкур: http://studyabroad.tj/

• Корпуси шафқат (Mercy Corps): 

Дар доираи лоиҳаи муҳоҷират, Корпуси шафқат дар Тоҷикистон барномаи мобилӣ таҳия намудааст, ки дастрасии муҳоҷиронро ба хизматрасониҳо ва иттилооти мавҷуда мусоидат мекунад. Шумо метавонед барномаро аз истиноди зерин пайдо намоед:

http://infomuhojir.tj/?fbclid=IwAR1GLVxY_w4Wp3Urc5ZSaHz-O0dQEbDJFLYTVgreAJYYAyfL1wei4f8JkeA

• Ҳелветас:

Дастур оид ба муҳоҷирати меҳнатии бехатар дар Федератсияи Россияро таҳия кардааст, ки онро дар истиноди зерин пайдо намудан мумкин аст (истинод ба ҳуҷҷат дар формати PDF пешниҳод карда мешавад).

Рӯйхати кишварҳое, ки ба он шаҳрвандони Тоҷикистон метавонанд бидуни раводид сафар кунанд дар истиноди зерин пайдо намудан мумкин аст: https://www.muhojir.info/faq

МЗМ дар ҳамкорӣ бо Вазорати меҳнат,муҳоҷират ва шуғли аҳолии ҶТ ва Хадамоти муҳоҷират мардумро дар бораи муҳоҷирати бехатар, оиди кор, ҷойгиршавӣ ва таҳсилот, маълумоти муффасал пешниҳод мекунад. Маводҳои иттилоотӣ ва барномаҳои омӯзишӣ ба шумо бартариҳои муҳоҷирати қонунӣ ва инчунин аз хатарҳо ва оқибатҳои муҳоҷирати ғайриқонуниро огоҳ мекунанд.

Маводҳои мазкур дар таҳия ва бошуурона банақша гирифтани сафари шумо кӯмак мерасонанд, то ин ки шумо раванди муҳоҷирати худро ба осонӣ пеш баред. Дарсҳои омӯзишӣ ва чорабиниҳои таълимии мо муҳоҷирати бехатар, тамоюлҳои ҷории муҳоҷират ва манфиатҳои иҷтимоиву иқтисодии муҳоҷиратро дар бар мегиранд. Инчунин маводҳо ва чорабиниҳои мазкур ба шумо барои муваффақ шудан дар хориҷи кишвар маълумоти ибтидоӣ пешкаш менамоянд.

ПЕШ АЗ МУҲОҶИРАТ СЕ ҶАНБАИ АСОСИРО БА НАЗАР ГИРИФТАН ЛОЗИМ АСТ

Пеш аз сафар ба шумо лозим аст, ки дар бораи 3 (се) ҷанбаи асосии муҳоҷират андеша кунед ва дар бораи онҳо барои худ маълумоти бештар пайдо кунед:

ҲУҚУҚӢ

• Бақайдгирӣ
• Барасмиятдарорӣ
• Шартномаи меҳнатӣ
• Хадамоти консулӣ ва сафорат
• Ташкилотҳои ғайридавлатие (ТҒД), ки ёрии ҳуқуқӣ мерасонанд

ИҚТИСОДӢ

• Хароҷот марбут ба муҳоҷират
• Хароҷоти патентӣ
• Ба даст овардани иҷозатномаи кор
• Пардохти ҳармоҳаи патент
• Хароҷот барои гузаштани санҷишҳои забон
• Хароҷоти ҷои зист ва хӯрокворӣ

ИҶТИМОӢ

• Донистани забони кишвари қабулкунанда
• Фарҳанг ва анъанаҳо
• Ҳифзи саломатӣ
• Ташриф ба ҷойҳои ҷамъиятӣ бо аъзои оила
• Боғчаҳо ва мактабҳо барои фарзанди шумо
• Муносибат бо корфармоён, мақомоти ҳифзи ҳуқуқ ва хадамоти ҳолатҳои фавқулодда
• Истифодаи хизматрасониҳои бонкӣ

Оё шумо ният доред, ки аз Тоҷикистон ба хориҷа сафар кунед? Шояд барои кор, таҳсил ё ҳамроҳшавӣ ба оилаатон дар хориҷа? Агар ин тавр бошад, лутфан қадамҳои зеринро риоя намоед ва бехатарии худро таъмин кунед, то ин ки одамон аз шумо истифода набаранд! 

1. Ҳамеша огоҳ бошед

Пеш аз гирифтани тасмим ба муҳоҷират, то ҳадди имкон дар бораи макони иқомат; дар бораи коре, ки шумо иҷро мекунед; дар бораи одамони дигар, ки бо шумо мераванд маълумот пайдо намоед. Бо маводҳои Маркази захиравии муҳоҷирон шинос шавед. Бо дӯстон ва оилаатон, мақомоти маҳаллӣ ва ташкилотҳои ҷамъиятӣ ҳамсӯҳбат шавед.

2. Муҳоҷирати қонунӣ

Танҳо баъд аз ҷобаҷо намудан ва ба даст овардани тамоми ҳуҷҷатҳои зарурӣ, аз он ҷумла раводид ва иҷозатномаи кор, сафар кунед. Муҳоҷирати ғайриқонунӣ шуморо ба хатарҳои зиёд, аз он ҷумла истифодаи бемузд, оварда мерасонад.

3. Ҷалбкунанда/агенти шуғл (корфармо)-ро бидонед

Ба ҳама бовар накунед. Дар бораи агенти шуғли аҳолӣ, ки ба шумо дар ёфтани кор дар хориҷа кӯмак мекунад, ҳарчи бештар маълумот гиред. Обрӯ ва шӯҳрати кору фаъолияти онҳо чӣ гуна аст? Оё онҳо барои фаъолият дар самти шуғл иҷозатнома доранд? Оё онҳо аз шумо хоҳиш менамоянд, ки дар бораи худ чизеро дурӯғ гӯед ё бидуни шартнома кор кунед?

4. Шартномаро имзо кунед

Шартнома муҳим аст! Бо агентии шуғли аҳолӣ шартнома имзо кунед. Ҳангоми пайдо кардани кор, хоҳиш кунед, ки бо корфармо шартнома баста шавад. Бе шартнома, кори шумо ғайриқонунӣ аст.

5. Ҳуҷҷатҳои худро эҳтиёт кунед

Ҳуҷҷатҳои шахсии худро эҳтиёт кунед ва дар ҷои бехатар нигоҳ доред.  Бо худ нусхаҳои шиноснома, раводид, шартномаи меҳнатӣ ва ҳуҷҷатҳои ғайраро, нигоҳ доред. Ҳуҷҷатҳои аслии худро дар ҷои бехатар нигоҳ доред ва нусхаҳои онҳоро бояд бо худ гиред. Ҳуҷҷатҳои худро ба одамони дигар надиҳед ва ба касе иҷозат надиҳед, ки онҳоро бо худ нигоҳ доранд.

6. Дар ҳолатҳои фавқулодда

Омода бошед. Ҳамеша рӯйхати рақамҳои муҳимро бо худ нигоҳ доред, аз он ҷумла рақамҳои полиси (милитсия) минтақавӣ / маҳаллӣ, ёрии таъҷилӣ, хадамоти оташнишонӣ, дӯстон ва аъзоҳои оилаатон, сафорат ё шӯъбаи консулии худ, ташкилотҳои ҷамъиятӣ, иттиҳодияҳои меҳнатӣ ва иттиҳодияҳои муҳоҷирон.

7. Бо дигарон дар тамос бошед

Худро танҳо намонед! Бо дӯстон ва оилаатон дар кишвари худ робитаи доимӣ барқарор намоед. Ба онҳо хабар диҳед, ки оё шумо дар ҳолати хуб қарор доред ва дар хатар нестед. Дӯст пайдо кунед ва бо дигар муҳоҷирон муошират намоед. Бо ин роҳ шумо метавонед ба якдигар кӯмак ва дастгирӣ расонед.

8. Худро муҳофизат кунед

Агар шумо ба мушкилие дучор шавед, аввал бо роҳбари худ дар ҷои кор сӯҳбат кунед. Агар ин ҳам кӯмак накунад, ба иттифоқҳои касаба ва ташкилотҳои ҷамъиятӣ барои гирифтани маслиҳат ва муҳофизат муроҷиат намоед. Ниҳоят, шумо ҳамеша метавонед масъаларо ба мақомоти дахлдор, масалан, ба сафорати Тоҷикистон арз намоед ва аз онҳо муҳофизат талаб намоед.

Вуруди қонунӣ

Ҳамеша боварӣ ҳосил кунед, ки шумо шиносномаи эътиборнок доред.

Оид ба дароз кардани мӯҳлати амали он на камтар аз ду моҳи то ба охир расидани мӯҳлати амали он ба консулгарии/сафорати дахлдори Тоҷикистон дар хориҷа бояд муроҷиат намоед.

Агар шумо шиносномаро гум кардед фавран ба сафорати/консулгарии Тоҷикистон муроҷиат намоед ва маълумоти муфассали шахсии худро, ба монанди рақами шиноснома, сана ва ҷой додани он, ном ва насаб, инчунин санаи воридшавӣ ба кишвар будубош; аз ин рӯ хеле муҳим аст, ҳамеша нигоҳ доштан бо худ шиноснома. Нусхаи шиносномаро (аз он ҷумла электронӣ), дар ҷои ба шумо ҳамеша дастрас нигоҳ доред.

Раводиди худро/шартномаи меҳнатӣ то ба охир расидани мӯҳлати амали он тамдид намоед. Агар шумо қарор қабул кардед, ба  Тоҷикистон барои рухсатии меҳнатӣ сафар намоед, аник кунед, ки раводиди шумо бо оҳир намерасад, то бозгашти шумо ба кишвари иқомат.

Дар кишвари иқомат баъди ба охир расидани мӯҳлати амали раводид наистед.

Бо кор таъминкунии қонунӣ

• Ҳамеша этиборнокии иҷозат барои кори худро ё ҳуҷҷати ба он баробарро санҷида бароед.
• Ҳамеша боварӣ ҳосил кунед, ки шумо шартномаи меҳнатии амалкунанда ба давраи муайяндоред.
• Қонунҳои кишвари, ки дар он ҷо шумо кор мекунед, ҳатто агар онҳо ба назари шумо дағал ва ноҳақ мебошанд риоя намоед.

Чӣ гуна ҳуқуқҳои худро ҳифз кардан мумкин аст

Хамчун муҳоҷири меҳнатӣ, шумо боя оид ба ҳолатҳои муносибати бераҳмона ва истисмор огоҳ бошед. Агар аломатҳои чунин ҳолатҳо бошад, фавран  онро бо  менеҷер, корфармо е агенти интихоби кормандон муҳокима намоед. Агар масъалаи мазкур фавран хал нагардид ба Вазорати меҳнат, муҳоҷират ва шуғли аҳолии Ҷумҳурии Тоҷикистон ва ё ба дигар  мақомоти ваколатдор ё ба сафорати шумо, ки дар он ҷо ба шумо метавонанд кӯмак расонанд муроҷиат намоед.

Агар шумо аз ҷавоб розӣ набошед, масъала метавонад ба мақомоти судӣ ирсол карда шавад.

Чӣ тавр бояд муайян намоем, ки  ҳуқуқҳои меҳнатии шумо вайрон карда шуданд ?

Вайрон кардани худ ҳуқуқҳои меҳнатии шумо ҳамаи муносибати беинсофона ва ноҳақ дар корро дарбар мегирад. Дар ин ҷо намунаҳои вайронкунии ҳуқуқҳои меҳнатӣ пешниҳод шуданд:

• Иваз намудани шартнома
• Давомнокии барзиеди вақти корӣ
• Гузаронидани мӯҳлати пардохт, инчунин напардохтани музди меҳнат ва дигар кӯмакпулиҳо корфармо
• Ғайриқонунии тарҳҳо аз музди меҳнат
• Шароити меҳнати хатарнок бе пешниҳоди чораҳо оид ба ҳифзи меҳнат
• Ҷисмонӣ, молиявӣ ва/е хушунати равонӣ, довои ҷинсӣ.

Ҳамеша дар хотир доред - зиндагӣ ва бо кор таъминкунии қонунӣ дар хориҷа – ин кафолати бехатарии ҳает!

Маркази захиравии муҳоҷирон (МЗМ) чӣ аст?

МЗМ дар Душанбе маркази иттилоотие мебошад, ки барои муҳоҷирати бехатари муҳоҷирон аз Тоҷикистон маълумоти боэътимод ва дастрасро пешниҳод мекунад. МЗМ якҷоя бо Вазорати меҳнат, муҳоҷират ва шуғли аҳолии ҶТ (ВММША) ва Маркази байналмилалии рушди сиёсати муҳоҷират (МБРСМ) ташкил ва идора карда мешавад. МЗМ дар Душанбе, таҳти роҳбарӣ ва роҳнамоии ВММША, ҷойгир шудааст ва бо Муассисаи давлатии”Марказҳои машваратӣ ва омодагии пеш аз сафари муҳоҷирони меҳнатӣ”-и Хадамоти муҳоҷират ҳамкории зич дорад.

Ҳадафҳои мушаххас барои Тоҷикистон дар доираи лоиҳаи “Такмили идоракунии муҳоҷират дар кишварҳои Роҳи Абрешим”:

• Такмил додани идоракунии муҳочират ва мобилӣ тавассути ташкили Маркази масъулиятнок, муассир ва устувори захиравӣ барои муҳоҷирон (МЗМ).
• Коҳиш додани осебпазирӣ ва мушкилоте, ки муҳоҷирон ҳангоми кор ва зиндагӣ дар хориҷа дучор меоянд, тавассути пешниҳоди иттилоот ва маслиҳатҳои зарурӣ, саривақтӣ ва боэътимод, инчунин тавсияҳо оид ба масъалаҳои муҳоҷират.

Нақшҳо ва вазифаҳои МЗМ:

• Таҳияи заминаи дониш оид ба масъалаҳои муҳоҷират ба муҳоҷирони эҳтимолӣ, ки ба хориҷа мераванд ва ба Ватан бармегарданд, аз ҷумла модулҳои омӯзишӣ пеш аз сафар.
• Баланд бардоштани иқтидори кормандони вазорат, ки дар омӯзиш ва машварати муҳоҷирон пеш аз сафар, ба муҳоҷирони баргашта, ва барои бехтар намудани хизматрасонӣ ба муҳоҷирони меҳнатӣ, ҷалб карда шудаанд.
• Таҳияи барномаҳои корӣ барои иттилоотонии аҳолии Тоҷикистон оид ба масъалаҳои муҳоҷират, аз ҷумла тавассути мақомоти ҳокимияти махаллӣ.
• Баланд бардоштани сатҳи огоҳии ҷомеа дар бораи муҳоҷират, тавассути васоити ахбори омма, шабакаҳои иҷтимоӣ ва инчунин тариқи гузаронидани маъракаҳои иттилоотӣ.
• Муттаҳид намудани кушишҳои ҷонибҳои манфиатдор дар самти таҳияи механизми бозравонии муҳоҷирон, аз ҷумла барои таълими касбӣ ва дастгирии онҳо оид ба масъалаҳои ҳамгироӣ ва ғайра.

Кӣ метавонад бо мо тамос гирад?

Маркази мо ба дастгирии муҳоҷирон ҷорӣ ва муҳоҷирони эҳтимолӣ равона карда шудааст, ва бо мо бевосита тамос гирифтан имконпазир аст, лекин мо инчунин пешниҳод менамоем, ки муҳоҷирон, пеш аз сафар ба кишвари иқомат ва баъд аз баргаштан, ҳама гуна маълумоти заруриро аз сомонаи расмӣ ва саҳифаҳои шабакаҳои иҷтимоӣ истифода баранд. Ғайр аз он, мо метавонем онҳоро ба ҳама мақомоти дахлдори давлатӣ ва дигар шарикон, агар лозим ояд, ирсол намоем.

Оё МЗМ метавонад дар хориҷ кор пайдо кунад?

Не, МЗМ шуморо бо кор дар хориҷа таъмин карда наметавонад. МЗМ як маркази захиравӣ мебошад, ки иттилоот ва роҳнамоии онлайнро барои муҳоҷирон таъмин мекунад. МЗМ маркази кор ё агентии шуғли аҳолӣ нест.

Оё МЗМ метавонад ба ман дар гирифтани раводид кумак кунад?

Не, МЗМ гирифтани раводидро осон карда наметавонад. Аммо, тавассути маълумоте мо, ки дар сомонаи МЗМ ва саҳифаҳои шабакаҳои иҷтимоӣ пайдо кардан мумкин аст, шумо метавонед тарзи гирифтани раводидро омӯзед.

Шумо барои хизматҳоятон пул мегиред?

Не, ҳамаи хизматҳои мо комилан ройгон аст ва дар Интернет, дар сомонаи мо дастрас карда мешавад.

Оё МЗМ метавонад барои донишҷӯён ҷаласаҳои шиносоӣ/роҳнамоӣ гузаронад?

Бале, МЗМ метавонад барои донишҷӯёни мактабҳои касбӣ, коллеҷҳо ва донишгоҳҳои касбӣ ҷаласаҳои роҳнамоӣ гузаронад. Мушовири МЗМ бо иштироки намояндагони вазорат ба донишкадаҳо, коллеҷҳо ва донишгоҳҳои техникӣ ташриф оварда, ҷаласаҳои роҳнамоӣ оид ба муҳоҷиратро мегузаронад.

МЗМ чӣ гуна метавонад ба ман дар сафар ба хориҷа кӯмак кунад?

МЗМ метавонад ба шумо маълумоте пешниҳод кунад, ки ба шумо дар қабули қарори огоҳонаи муҳоҷират кӯмак кунад.

Оё МЗМ метавонад тафтиш кунад, ки аз моҳи январи соли 2021 кӣ ба қаламрави Федератсияи Россия ворид шудааст?

Не. МЗМ маълумоти шиносномаи шуморо тафтиш карда наметавонад. Шумо метавонед маълумоти шиносномаатонро оид ба мавҷуд будан ё набудани манъи вуруд ба Федератсияи Россия тавассути сомонаи Сарраёсати корҳои дохилии ВКД Федератсияи Россия, бо истифода аз истиноди зерин, муайян намоед: сервисы.гувм.мвд.рф

Шумо метавонед маълумоти муфассалро дар бораи қоидаҳои вуруд ба Федератсияи Россия дар дафтари Намояндагии Вазорати меҳнат, муҳоҷират ва шуғли аҳолӣ дар Федератсияи Россия назди Вазорати тандурустӣ пайдо кунед ё инчунин маълумоти муфассалро аз брошюраи мо пайдо намоед. Аз инҷо дастрас намоед:

Оё ман метавонам барои санҷиши забони русӣ, таърихи Русия ва асосҳои қонунгузории Федератсияи Россия дар МЗМ имтиҳон супорам?

Не. Шумо дар МЗМ имтиҳон супорида наметавонед. Шумо имконият доред, ки дар филиали Донишгоҳи Давлатии Москва ба номи Ломоносов дар Душанбе дар кӯчаи Бохтар 35/1 имтиҳон супоред ва соҳиби “Шаҳодатнома” шавед. Тафсилоти бештар дар: https://www.muhojir.info/faq

Кӣ дар МЗМ кор мекунад?

Гурӯҳи МЗМ аз мутахассисони дорои таҷрибаи кофӣ дар соҳаи муҳоҷират, машварат ва робита бо ҷомеа иборат аст. Гурӯҳро як ҳамоҳангсози МЗМ роҳбарӣ мекунад ва аз ҷониби мушовирони МЗМ дастгирӣ карда мешавад. Гурӯҳи МЗМ қисми Вазорати меҳнат, муҳоҷират ва шуғли аҳолии Ҷумҳурии Тоҷикистон (ВММША) мебошад ва аз ҷониби Маркази Байналмилалии Рушди Сиёсати Муҳоҷират (МБРСМ) дастгирӣ карда мешавад. МЗМ аз ҷониби Иттиҳоди Аврупо дар доираи лоиҳаҳо "Такмили идоракунии муҳоҷират дар кишварҳои Роҳи Абрешим" ва "Таъсиси МЗМ ва баланд бардоштани сатҳи огоҳии муҳоҷират дар Тоҷикистон" маблағгузорӣ карда мешавад.